AGYRTAE

AGYRTAE

Sortilegi, Circumforanei, in triviis olim atque aliis locis publicis prostantes, divinationes peragendô, credulo illudebant popello, uti per cos, quos Ceretanos Itali hodie vocant, lucri gratiâ χειρομαν είκ ac μετωποσκοπία exercetur: Utebantur autem tales Homericis, Virgilianis, aliisque versibus, ac per illos sortes reddebant. Et quidem Romae in Circo, ad aggerem seu spinam eius, atque, ibi ad Phalas Delphinorumque columnas, ut Iuvenalis, Sat. 6. v. 590. ait, imposturas suas ac praestigias, hominibus de fortuna circa coniugia, sua aut alia consultum venientibus venditabant. His erant tabellae in quibus versus fatidici erant descripti, atque in ea, talorum arbitrante iactu, divinationes peragebant, quae proin tabella, ut Casaubonus monet ad Histor. Aug. Tom. 1. p. 19. Graecis vocabatur πίναξ ἀγυρτικὸς five ἀγυρτικὴ σαῃίς. Vocabantur enim Sortilegi hi proprie Agyrtae. Unde apud Suidam inter alia, in voce Α᾿γύρτης (ubi antea ἀγύρτην vocaverat μάντιν) habemus: Ε᾿μέμφετο ἀυτοῦ τὸ περὶ τὰς μαντείας ἐπτοημένον, καὶ βουλόμενον ἀεὶ τοῖς ἀγύρταις ἐπιτρέπειν τὰ οἰκεῖα πράγματα, In ipso accusabatur, quod attonitus quasi haereret circa oracula ac perpetuo Agyrtis rei familiaris suaefortunas committeret. Plura de hoc hominium ac divinationis genere, vide apud Anton. van Dalen De Oraculis Dissertat. II. uti de poena iis infligi solita, Crurifragio videl. vode Crura. Adde dicenda voce Circumforanei.